BALLINA

Fjala e kryeshefit të AMMK-së

Të nderuar vizitorë të portalit te Agjencionit per Mbrojtjen e Mjedisit te Kosovës. Të respektuar dashamirës të mjedisit, mirë se erdhët në shtëpinë tonë, dyert e se cilës janë gjithmonë të hapura për ju. më shumë

Takimi i nivelit të larte ministror për Ndryshime Klimatike dhe Mjedis për Regjionin e Evropës Juglindore

Ministri i MMPH-së, Ferid Agani, së bashku me kryeshefin e Agjencisë për Mbrojtjen e Mjedisit të Kosovës, z.Ilir Morina dhe u.d. drejtorin e departamentit të ujërave z.Rizah Hajdari, po marrin pjesë në takimin e lartë ministror për Ndryshime Klimatike dhe Mjedis për Regjionin e Evropës Juglindore, që po mbahet në Podgoricë të Malit të zi. Në takim me tjerash është diskutuar për gjendjen mjedisore në regjionin e Evropës Juglindore, sfidat dhe perspektiva, rolin e Agjencive të Mjedisit të regjionit në mbështetjen dhe implementimin e politikave mjedisore, prioritetet e bashkëpunimit regjional për ndryshime klimatike dhe mjedis.më shumë

Reagim lidhur me prezantimin e gjendjes mjedisore në fshatin Dardhishtë nga disa media!

Ditë më parë sipas informacioneve të publikuara në disa media elektronike dhe të shkruara, gjendja mjedisore dhe efekti në shëndet, në komunën e Obiliqit është prezantuar si alarmante. Këto raportime me theks të veçantë kanë prezantuar gjendjen në fshatin Dardhishtë, duke shkaktuar kështu një konfuzion dhe keqinformim jo vetëm për banoret e Obiliqit por edhe me gjerë. Me qëllim të informimit të drejtë dhe korrekt, AMMK si institucion qendror që ka përgjegjësi në monitorimin e mjedisit, informimin dhe raportimin për gjendjen e tij, ndjen përgjegjësi të ofrojë informatat që ka në dispozicion për këtë zonë, dhe të cilat janë si rezultat i monitorimit të gjendjes në këtë zonë dhe mbledhjes së informatave nga burime të ndryshme. Treguesit flasin që në këtë zonë gjatë dy viteve të fundit ka pasur përmirësim të gjendjes së mjedisit. më shumë