Kosova dhe Mali i zi, fuqizojnë bashkëpunimin për Sistemet e Informacionit për Zjarret Pyjore

15 September 2025

Në kuadër të këtij buletini që ka për qëllim të informojë për aktivitetet kryesore të zhvilluara në kuadër të projektit përfshihet edhe aktiviteti për nënshkrimin e Memorandumit të Mirëkuptimit në mes të Institutit Hidrometeorologjik të Kosovës dhe Institutit të Hidrometeorologjisë dhe Sizmologjisë të Malit të Zi.

Qëllimi i këtij memorandumi është zgjerimi i bashkëpunimit për fuqizimin e Sistemeve Kombëtare të Informacionit për Zjarret Pyjore, dhe lehtësimin e shkëmbimit të të dhënave përmes këtyre sistemeve.

Projekti ndërtimi i kapaciteteve për Zvogëlimin e Rreziqeve nga Katastrofat përmes Sistemit Kombëtar të Informacionit për Zjarret Pyjore (NFFIS) dhe Eco-DRR, ka për qëllim të fuqizojë kapacitetet e zyrtarëve qeveritarë në parandalimin dhe zbutjen e zjarreve pyjore dhe katastrofa të tjera natyrore përmes krijimit të NFFIS dhe Eco-DRR.

Një nga aktivitetet kryesore të projektit është zhvillimi i NFFIS (Sistemi kombëtar i informacionit për zjarret pyjore), që është një sistem i integruar ueb-GIS për parandalimin e zjarreve dhe paralajmërimin e hershëm që lejon shkëmbimin e informacionit me agjencitë përkatëse. Duke kombinuar informacionin satelitor dhe të motit me hartat topografike, është e mundur të monitorohet se ku ka të ngjarë të ndodhin zjarre, sa lehtë përhapen zjarret dhe sa e thatë është zona. Ky informacion mund të përdoret për paralajmërim të hershëm.