29 June 2016
29.06.2016- Në kuadër të programit ndërkufitar Kosovë – Mal të Zi, me datë 26 qershor deri 2 korrik në Trentino të Italisë, po realizohet pjesa e III-të e trajnimit profesional dhe vizitës studimore me qëllim të krahasimit të praktikave me të mira të Rrjeteve Ekologjike dhe Edukimit Mjedisor për të promovuar, jo vetëm mbrojtjen e mjedisit dhe biodiversitetit, por edhe krijimin e raporteve mes njerëzve dhe natyrës në përgjithësi.
Aktivitete të cilat janë të parapara në projektin BorN – Borderless Nature. Biodiversity Protection and Development of Prokletije and Bjeshkët e Nemuna Nationla Parks, parashohin disa vizita në parqet natyrore të Trentinos dhe praktika te menaxhimit te udhëhequra nga ekspertët e Albatros Srl.
BorN është një projekt i BE-së i menaxhuar nga zyra e Bashkimit Evropian në Kosovë dhe e implementuar nga Trentino con il Kossovo, Agjencioni për Mbrojtjën e Mjedisit te Kosoves dhe Komuna e Plavës në Mal te Zi, me mbështetje profesionale nga Associazione Trentino con i Balcani Onlus dhe Albatros Srl.
Në vizitën studimore në Trento po marrin pjesë një grup prej 18 zyrtarëve nga Kosova dhe Mali i Zi, ne mesin e te cilëve edhe përfaqësues nga Agjencioni për Mbrojten e Mjedisit, Parkut Kombetare Bjeshkët e Nemuna, përfaqësues të institucioneve lokale dhe organizatave joqeveritare mjedisore.
