Kosova përfshihet nga vala e të nxehtit
25 July 2013
25/07/2013- Instituti Hidrometeorologjik i Kosovës, paralajmëron se që nga nesër territori i Kosovës do të përfshihet nga vala e të nxehtit me temperaturave të larta. Parashikohet që vala e të nxehtit të zgjas deri nga fundi i muajit gusht, por me disa periudha të rënies së temperaturave.
Gjate ditëve në vijim (25-31 korrik) do te ketë ngritje graduale të temperaturave të cilat do të arrijnë deri në 38 gradë celsius. Në zonat urbane temperaturat pritet të arrijnë edhe deri në 40 grade celsius për shkak te reflektimit nga objektet dhe infrastruktura rrugore.
Parashikohet që gjatë gjysmës së parë të muajit gusht (1 deri 15 gusht) do të ketë temperatura të përafërta me ato cekura me lartë, por po ashtu pritet të ketë edhe reshje shiu të intensitetit te dobët, riga lokale shiu si dhe shkarkime atmosferike dhe breshër.
Do te ketë ere nga ana e jugut dhe jugperëndimit dhe nga ana e veriut dhe verilindjes. Kësaj gjendje klimatologjike i ndihmojnë edhe shumë procese aktuale atmosferike si erërat diellore të cilat kanë ndikim në shume procese atmosferike që ndodhin në troposfere, andaj temperatura të larta të ajrit pritet të regjistrohen edhe gjatë pjesës së dytë të muajit gusht.
Këshillohen qytetarët me sëmundje të ndryshme që t`i shmangen ambienteve të hapura dhe daljet nga ora 11 deri në ora 17. Rekomandohet konsumimimi i sa më shumë lëngjeve dhe ushqimeve të lehta si dhe veshje verore me ngjyra të hapura. Gjithashtu rekomandohet konsumimi i ujit në sasi sa më të mëdha.
