Kjo iniciativë e AMMK-së, është nxitur duke pasur për bazë faktin se informimi përmes rrjeteve sociale është shndërruar në një instrument shumë efikas për shpërndarjen e informatave tek grupet e ndryshme shoqërore e sidomos tek gjeneratat e reja.

Gjithashtu duke pasur për bazë të dhënat të cilat tregojnë se popullata e Kosovës ka qasje në internet diku rreth 65%, AMMK konsideron që shfrytëzimi i internetit për informimin dhe ndërgjegjësimin e publikut për mbrojtjen e mjedisit është një mundësi shumë e mirë dhe efikase.

Duke shpresuar që kjo iniciativë e jona do të jetë edhe një shtytje më shumë në përmbushjen e synimin për ngritjen e nivelit të informimit cilësorë për mjedisin, ne falënderojmë të gjithë ata që i kanë shfrytëzuar informatat tona në ueb faqe zyrtare, dhe i ftojmë që tani e tutje të na ndjekin edhe në profilet e AMMK-së edhe në Facebook dhe Twitter.

Shpresojmë se me lansimin e këtyre dy profileve ne do të krijojmë edhe një mundësi më shumë për të ofruar informata të përditësuara për gjendjen e mjedisit dhe për t’i pasqyruar përpjekjet dhe angazhimet tona për të përmirësuar cilësinë e mjedisit në Kosovë.